ნატოში საქართველოს შესაძლო დაჩქარებული მიღება, რუსეთისთვის საგანგაშოა – კარასინის მორიგი მუქარა

რუსეთის საგარეო საქმეთა მინისტრის მოადგილე, საქართველოს კიდევ ერთხელ ემუქრება. კრემლის გაღიზიანების მიზეზი, ამჯერად, აშშ-ს სახელმწიფო მდივნის განცხადება გახდა, საქართველოს ნატოში გაწევრიანებასა და ანაკლიის პორტის მშენებლობასთან დაკავშირებით.

გრიგორი კარასინის თქმით, საქართველოს ნატოში დაჩქარებული მიღება რუსეთთან ურთიერთობაზე დამღუპველად იმოქმედებს. გრიგორი კარასინმა ანაკლიის პორტზეც ისაუბრა და თქვა, რომ რუსეთს არ “აწყობს” ამერიკის სახელმწიფო მდივნის იმ განცხადების ტონი, რომლის დროსაც მაიკ პომპეომ საქართველოს მიერ რუსეთისა და ჩინეთის გავლენების დაძლევის შესახებ ისაუბრა.

“დასავლეთში ნერვიულობა გამოწვეულია იმით, რომ საქართველოსა და რუსეთს შორის ნორმალური ურთიერთობები მყარდება. ისინი ფიქრობენ, რომ საქართველო უკვე არის გარკვეული ბლოკის შემადგენელი ნაწილი, რომელზეც შესაძლებელია დაყრდნობა რუსეთის ფედერაციის წინააღმდეგ მიმართული გარკვეული არამეგობრული მოქმედების შემთხვევაში. ეს ხალხი გააქტიურდა და ნატოს დეკემბრის სამიტისთვის ემზადება. შეერთებული შტატების სახელმწიფო მდივანი პომპეო ღიად აცხადებს, რომ ნატოში საქართველოს დაჩქარებული მიღებაა საჭირო. იმის თქმა, რომ ეს ვითარება რუსეთისთვის საგანგაშოა, ძალიან რბილი ნათქვამი იქნება. სინამდვილეში, ჩვენ ვფიქრობთ, რომ ეს დამღუპველად იმოქმედებს ჩვენს ურთიერთობებზე. თუ რა უნდა გაკეთდეს ანაკლიის პორტთან დაკავშირებით, ეს საქართველომ უნდა გადაწყვიტოს, მაგრამ ის, რაც პომპომ რუსეთისა და ჩინეთის მიმართ თქვა, არ არის ის ტონი, რომელიც ჩვენ გვაწყობს,”-განაცხადა კარასინმა.

banner
წინა სტატიაშისაქმეშ ერთ-ერთი გვარი პარლამენტის დეპუტატის გვარს ემთხვევა – ბესელია მისი პირადი ცხოვრების ამსახველი კადრების გავრცელების საქმეზე
შემდეგი სტატიადავით გარეჯის საკითხი – გიგი წერეთელი აზერბაიჯანის პრეზიდენტს შეხვდა