სახელმწიფო აუდიტის სამსახურში გაცნობითი ხასიათის შეხვედრა გამართა ნატოს სამეკავშირეო ოფისის დელეგაციამ.
გენერალურმა აუდიტორმა ირაკლი მექვაბიშვილმა და ნატოს სამოკავშირეო ოფისის ხელმძღვანელმა საქართველოში როსარია პუგლისმა ისაუბრეს საჯარო ფინანსების მართვის კუთხით, სახელმწიფო აუდიტის სამსახურსა და პარლამენტს შორის მჭიდრო კომუნიკაციის მნიშვნელობისა და არსებული გამოწვევების შესახებ.
შეხვედრის მონაწილეებმა განიხილეს სახელმწიფო აუდიტის სამსახურის ინსტიტუციური და პროფესიული განვითარების პერსპექტივები და ურთიერთთანამშრომლობის სამომავლო ხედვები.
შეხვედრას ასევე ესწრებოდნენ გენერალური აუდიტორის მოადგილე ეკა ღაზაძე, საქართველოში ნატოს სამოკავშირეო ოფისის წარმომადგენლები – მრჩეველი კრისტიან კოკვიკი და პოლიტიკური ოფიცერი თორსთენ დერიკი.