ჩვენ უნდა გავუგზავნოთ საქართველოს მოსაწვევი ნატოში დაუყოვნებლივი გაწევრიანების შესახებ, – ამის შესახებ ევროპაში აშშ-ის არმიის ყოფილი მთავარსარდალი ბენ ჰოჯესი “ეუობზერვერ” -ში გამოქვეყნებულ სტატიაში წერს.
მთიანი ყარაბაღის გარშემო ბოლო ხანს განვითარებული მოვლენების და იქ რუსეთის როლის გაძლიერების კონტექსტში, დასავლეთის სამხედრო ალიანსის ყოფილი მაღალჩინოსანი აუცილებლად მიიჩნევს ასევე “ნატოს ყოფნის გაძლიერებას საქართველოში, აშშ-ის სამხედრო-საჰაერო და სამხედრო-საზღვაო ინფრასტრუქტურის ჩათვლით”.
ევროპაში აშშ-ის არმიის ყოფილმა მთავარსარდალმა მანამდეც განაცხადა, რომ ნატომ მომავალ სამიტზე საქართველო ალიანსში უნდა მიიწვიოს. სამხრეთ კავკასიაში დასავლეთის სამხედრო პოზიციების გაძლიერება, ჰოჯესის თქმით, შეაგნებინებს რუსეთს, რომ ეს რეგიონი მათთვის სტრატეგიულ ინტერესს წარმოადგენს.
