ნატოს გენერალურმა მდივანმა იენს სტოლტენბერგმა განაცხადა, რომ ბრიტანეთის ქალაქ სოლსბერიში ნერვულ-პარალიტიკური ნივთიერების გამოყენების პასუხად, ალიანსი ცივი ომის შემდეგ უსაფრთხოების კოლექტიური სისტემის ყველზე ფართომასშტაბურ გაძლიერებაზე გადავა – სტოლტენბერგმა ბრიტანეთის საგარეო საქმეთა მინსიტრთან ბორის ჯონსონთან ბრიუსელში შეხვედრაზე თქვა, სადაც ბორის ჯონსონი ევროკავშირისა და ნატოს მხარდაჭერის მისაღებად დღეს გაემგზავრა.
სოლსბერიში 4 მარტს რუსეთის ყოფილი უშიშროების აგენტი სერგეი სკრიპალი და მისი ქალიშვილი ნერვულ-პარალიტიკური ნივთიერებით მოწამლეს. ისინი დღემდე საავადმყოფოში კრიტიკულ მდგომარეობაში იმყოფებიან.
