ნატო-ს საპარლამენტო ასამბლეაზე საქართველო კვლავ წარმოჩნდა, როგორც სამაგალითო ქყვეყნა დემოკრატიის კონსოლიდაციის კუთხით

საპარლამენტო ასამბლეაზე მიღებულ ანგარიშში პოზიტიურად შეფასდა გატარებული რეფორმები. ანგარიშის ავტორმა და მომხსენებლმა ხაზგასმით აღნიშნა, რომ საქართველო სამაგალითო ქვეყანაა დემოკრატიის კონსოლიდაციის კუთხით, ხოლო საქართველოს მისწრაფება, რომ გაწევრიანდეს ევროპულ და ევროატლანტიკურ სტრუქტურებში არის მამოძრავებელი ძალა რეფორმების გატარებისთვის,- ასე აფასებს პარლამენტის საგარეო ურთიერთობათა კომიტეტის თავმჯდომარე სოფიო ქაცარავა ნატო-ს საპარლამენტო ასამბლეაზე მიღებულ ანგარიშს.

დეპუტატის თქმით, „ასამბლეის მიერ გამოქვეყნებულ ანგარიშში ხაზგასმულია, რომ საქართველო ერთ-ერთი ყველაზე თავისუფალი ქვეყანაა შავი ზღვის რეგიონში, სადაც კორუფციის დონე არის ზოგიერთ ევროკავშირის ქვეყანაზეც კი უფრო დაბალი“.

„ანგარიშში აისახა დემოკრატიის და პრესის თავისუფლების ინდექსების გაუმჯობესებაც. მნიშვნელოვანია, რომ ანგარიშის ნაწილი ეთმობდა საქართველოში არსებულ სამოქალაქო საზოგადოებასაც, რომელიც მრავალფეროვანია და მათი უდიდესი ნაწილი ევროპული ღირებულებების მატარებელია, რაც დემოკრატიის მაღალი ხარისხის ერთ-ერთი მნიშვნელოვანი მაჩვენებელია. ნათელია, რომ საქართველო ალიანსის წევრების მხრიდან განიხილება, როგორც ლიდერი ქვეყანა გატარებული რეფორმებით და რეგიონში ყველაზე სანდო და მტკიცე პარტნიორად. სწორედ ამიტომ, ჩვენ გვაქვს სტიმული რომ გავაკეთოთ უფრო მეტი. ჩვენ ვაგრძელებთ თანმიმდევრულ და შედეგზე ორიენტირებულ პოლიტიკას ალიანსის წევრი ქვეყნების მხარდაჭერით. ანგარიში, შავი ზღვის რეგიონში ადამანის უფლებების და დემოკრატიის გაძლიერება, მოამზადა გერმანიის დელეგაციის წევრმა, ულა შმიდტმა, რომელიც მიღებულ იქნა ჰალიფაქსში, კანადა“,- განაცხადა ქაცარავამ.

banner
წინა სტატიაშინატო-ს საპარლამენტო ასამბლეა კვლავაც მიესალმება საქართველოს პროგრესს და განაგრძობს საქართველოს ურყევ მხარდაჭერას
შემდეგი სტატიაგახარია ადასტურებს, რომ გორში ჩატარებულ საგამოძიებო ექსპერიმენტში, იაგო ნებიერიძე მონაწილეობდა