ჩრდილო-ატლანტიკური ალიანსის გენერალური მდივანი იენს სტოლტემბერგი 20-21 აპრილს, ალიანსის ვარშავის სამიტის მოსამზადებელ სამუშაოებთან დაკავშირებით, თურქეთს ეწვევა.
აღნიშნულ ინფორმაციას თურქეთის საგარეო საქმეთა სამინისტრო ავრცელებს.
როგორც საგარეო უწყების მიერ გავრცელებულ განცხადებაშია აღნიშნული, სტოლტენბერგი თურქეთის პრეზიდენტ რეჯეპ ტაიპ ერდოღანს, პრემიერ-მინისტრ აჰმედ დავუთოღლუს, საგარეო უწყების ხელმძღვანელს მევლუდ ჩავუშოღლუს და თავდაცვის მინისტრ იმეთ ილიაზს შეხვდება.
შეხვედრებზე მხარეები ნატო-ს სამხრეთ-აღმოსავლეთ საზღვრებზე შექმნილ პრობლემებზე და თურქეთის უსაფთხოების საკითხებზე ისაუბრებენ.