უკრაინის საგარეო საქმეთა მინისტრის, ანდრეი სიბიგას ინფორმაციით, ნატო-ს გენერალური მდივანი მარკ რუტე კიევში ჩავიდა.
„ღრმად ვაფასებთ ნატო-ს ერთიანობასა და სიძლიერეს უკრაინის მხარდაჭერის მიმართ, მაშინ, როდესაც ჩვენ ტრანსატლანტიკურ უსაფრთხოებას ერთად ვიცავთ“, – წერს უკრაინის საგარეო საქმეთა მინისტრი X-ზე.
ანდრეი სიბიგას ცნობით, ნატო-ს გენერალური მდივანი მარკ რუტე კიევში ვიზიტის ფარგლებში უკრაინის პრეზიდენტ ვოლოდიმირ ზელენსკისთან მოლაპარაკებებს გამართავს და სხვა მნიშვნელოვან შეხვედრებში მიიღებს მონაწილეობას.
