ნატო-ს კვირეულის ფარგლებში მიმდინარე ფორუმის ფარგლებში საქართველოს პრეზიდენტმა, გიორგი მარგველაშვილმა სიტყვით გამოსვლისას საქართველოს ევროპულ მომავალზე ისაუბრა:
“ჩვენ მტკიცედ ვამბობთ, რომ საქართველოში არანაირი კითხვის ნიშანი იმასთან დაკავშირებით, რა არის ჩვენი ქვეყნის მომავალი, არ არსებობს. ჩვენ ნათლად ვაფიქსირებთ ჩვენი ქვეყნის კულტურულ და პოლიტიკურ მომავალს ევროკავშირში, ჩვენ ნათლად ვაფიქსირებთ ნატოს, როგორც იმ უსაფრთხოების ქოლგას, რომელშიც ჩვენ უნდა გავერთიანდეთ, გავერთიანდებით და გავაძლიერებთ ჩვენი თანამონაწილეობით და რომელიც კიდევ უფრო მეტ სიმშვიდეს მოუტანს ქვეყნებს, როგორც ჩვენს რეგიონში, ასევე გლობალურად”, – განაცხადა გიორგი მარგველაშვილმა.
