ნათია თურნავა : მადლობა „საქართველოს ფოსტის“ თანამშრომლებს ასეთ მნიშვნელოვან დროს ქვეყნისა და თანამოქალაქეების გვერდში დგომისთვის

admin
ავტ.: admin აპრილი 27, 2020 11:11

ნათია თურნავა : მადლობა „საქართველოს ფოსტის“ თანამშრომლებს ასეთ მნიშვნელოვან დროს ქვეყნისა და თანამოქალაქეების გვერდში დგომისთვის

მინდა, მადლობა ვუთხრა „საქართველოს ფოსტის“ თანამშრომლებს ასეთ მნიშვნელოვან დროს ქვეყნისა და თანამოქალაქეების გვერდში დგომისთვის,- განაცხადა ეკონომიკისა და მდგრადი განვითარების მინისტრმა, ნათია თურნავამ.

მინისტრის თქმით, კორონავირუსის პანდემიით გამოწვეული მოვლენებიდან გამომდინარე, „საქართველოს ფოსტამ“, როგორც მაღალი სოციალური პასუხისმგებლობის კომპანიამ, ვირუსის გავრცელების პრევენციის მიზნით უმოკლეს დროში მოახერხა უსაფრთხოების მაღალი ზომების მიღება.

„დღეს ფოსტის თანამშრომელთა დიდ ნაწილს საველე სამუშაოს შესრულება, რაც მათი საქმიანობის ბუნებიდან გამომდინარე აუცილებელია და დისტანციურად ვერ განხორციელდება. კომპანია გზავნილთა ბინაზე ჩაბარებას უზრუნველყოფს ადრესატთან უშუალო კონტაქტის გარეშე, რაც მეტად მნიშვნელოვანია ვირუსის გავრცელების პრევენციის მიზნებისთვის.

დღეისთვის „საქართველოს ფოსტის“ 1 500-მდე თანამშრომელი გაორმაგებული ძალებით აგრძელებს მუშაობას, რათა უზრუნველყონ სერვისების მიწოდება ჩვენი ქვეყნის მოქალაქეთათვის“,- განაცხადა ეკონომიკისა და მდგრადი განვითარების მინისტრმა.

ეკონომიკის სამინისტროს ინფორმაციით, „საქართველოს ფოსტა“ 70 წელს გადაცილებულ ქრონიკული დაავადებების მქონე მოქალაქეებს, რომლებიც ყველაზე მაღალ რისკ-ჯგუფს განეკუთვნებიან (80.000 პირი), მედიკამენტებსა და პირბადეებს ბინაზე აწვდის. ამასთანავე, ფოსტის კურიერები პირბადეებით უზრუნველყოფენ 70 წელს გადაცილებულ მარტო მცხოვრებ პენსიონერებს (41.000 პირი) და შაქრიანი დიაბეტის მქონე 18 წლამდე ასაკის ბავშვებსა და მოზარდებს გლუკომეტრის ტესტ-ჩხირებით და პირბადეებით (1.200-მდე).

„საქართველოს ფოსტამ“ ასევე უზრუნველყო მთელი ქვეყნის მასშტაბით კომპანიის სერვისცენტრებში, საფოსტო გაცვლისა და დახარისხების ცენტრებში სადეზინფექციო სამუშაოების ჩატარება, თანამშრომლები აღჭურვა დამცავი საშუალებებით: სადეზინფექციო ხსნარებით, ხელთათმანებით, ნიღბებითა და დამცავი ფარებით.

ინფორმაციას ეკონომიკისა და მდგრადი განვითარების სამინისტრო ავრცელებს.

admin
ავტ.: admin აპრილი 27, 2020 11:11

Google სტატისტიკა


8,382
ვიზიტორი
დღეში
Powered By Google Analytics