ნათია მეზვრიშვილი : დღეს რესურსები სახელმწიფოს აქვს, საუბარია როგოც ექიმებზე, ისე საწოლების ფონზე, თუმცა ეს ყველაფერი ბუნებრივია ამოუწურავი არ არის და მოვუწოდებთ მოქალაქეებს, მაქსიმალურად დაიცვან წესები

სიტუაცია კონტროლს ექვემდებარება სრულად მიუხედავად მზარდი მაჩვენებლისა, ამიტომ რაც უნდა გავაკეთოთ ერთადერთი და უპირველესი არის წესების მაქსიმალურად დაცვა, პირბადე და სოციალური დისტანცია რაც კრიტიკულად მნიშვნელოვანია, რომ ეს პროცესი მართვას ექვემდებარებოდეს და ასე გავაგრძელოთ, – ამის შესახებ მთავრობის ადმინისტრაციის უფროსმა ნათია მეზვრიშვილმა ბრიფინგზე განაცხადა.

მისივე თქმით, ვიმყოფებით ვირუსის მართვისა და ვირუსთან ადაპტაციის პროცესში, რაც გულისხმობს კონკრეტული წესების დაცვას და ამ პროცესში თავისი როლი აქვს როგორც სახელმწიფოს, ისე ორგანიზაციებსა და მოქალაქეებს.

„ჩვენ ვიმყოფებით ვირუსის მართვისა და ვირუსთან ადაპტაციის პროცესში, რაც გულისხმობს კონკრეტული წესების დაცვას, გულისხმობს იმას, რომ ამ პროცესში თავისი როლი აქვს როგორც სახელმწიფოს, ისე ორგანიზაციებსა და მოქალაქეებს. რესურსებზე მინდა გავამახვილო ყურადღება, რადგან ამასთან დაკავშირებით კითხვები ხშირად არის. დღეს ეს რესურსები სახელმწიფოს აქვს, საუბარია როგოც ექიმებზე, ისე საუბარია და ხშირად ისმის შეკითხვები საწოლების ფონზე, თუმცა ეს ყველაფერი ბუნებრივია ამოუწურავი არ არის და მოვუწოდებთ ჩვენს მოქალაქეებს, მაქსიმალურად დაიცვან წესები. დღესაც თამამად შეგვიძლია ვთქვათ, რომ იმ ადამიანებს, ვისაც საავადმყოფოში მოთავსება სჭირდება, ვინც არის მძიმე, ვინც არის რისკ-ჯგუფის პაციენტი, საკმარისი რაოდენობა რესურსების ამ ადამიანებისთვის სახელმწიფოს დღეს გააჩნია თუმცა, როცა ამას ვლაპარაკობთ არ უნდა დაგვავიწყდეს რომ ვიყოთ ფრთხილად რომ შევინარჩუნოთ ეს სიტუაცია მაქსიმალურად გრძელვადიან პერსპექტივაში. კლინიკურ მართვას სახელმწიფო აგრძელებს და კლინიკურ მართვის ახალი მოდელი გვაძლევს საშუალებას, რომ საჭიროების მიხედვით საწოლების საჭირო რაოდენობა გვქონდეს. საუბარია იმაზე, რომ ახალი მოდელის მიხევდით, ოჯახის ექიმების კონსულტაციების შედეგად პაციენტების გარკვეული ნაწილი, მსუბუქი და უსიმპტომო პაციენტები მკურნალობას განაგრძობენ სახლში, გარკვეული ნაწილი მკურნალობას განაგრძობენ ე.წ. „კოვიდ სასტუმროებში“ და მძიმე პაციენტები მკურნალობას განაგრძობენ საავადმყოფოებში. როდესაც სახლში და “კოვიდ სასტუმროებში” მკურნალობაზე ვსაუბრობთ, ეს ყველაფერი ხდება ექიმის მეთვალყურეობით. იყო ბოლო დღეებში გარკვეული უკმაყოფილებები ცალკეულ „ქეისებზე“, რა თქმა უნდა, ხარვეზები არის, მაგრამ მნიშვნელოვანია, რომ ეს ხარვეზები არ არის სისტემური და ყველა ასეთ შემთხვევას ჩვენ მაქსიმალურად ვცდილობთ, რომ დროულად მოვახდინოთ რეაგირება. გარკვეულწილად, ეს გამოწვეულია იმით, რომ შემთხვევების მატებასთან ერთად, რაც ალბათ კიდევ გაიზრდება, არის გარკვეული პანიკის ეფექტი, ყველას გვახსოვს, რომ იყო ასეთი შეთხვევა თავდაპირველად, როდესაც მაგალითად144 გადაგვეტვირთა, იყო გარკვეული ხარვეზები, რომლებიც ჩვენ შემდგომ მოვაგვარეთ, ამით არის ეს პრობლემები გამოწვეული, რა თქმა უნდა, გარკვეულ შემთხვევებში იქ არის რაღაც ცალკეული შემთხვევები პირველადი ჯანდაცვის სფეროში, ცალკეული ხარვეზები, თუმცა ამასაც ვცდილობთ მაქსიმალურად დროულად მოვაგვაროთ,“ – განაცხადა ნათია მეზვრიშვილმა.

banner
წინა სტატიაშიბერდია სიჭინავა : ბოლო 24 საათში, გვაქვს დადასტურებული 1 194 ახალი შემთხვევა, ხოლო გამოჯანმრთელდა 328 ადამიანი
შემდეგი სტატიასკოლები, სადაც საარჩევნო უბნებია გახსნილი სწავლების დისტანციურ რეჟიმზე გადავლენ