ნახევრად შიშველი აქტივისტების ჯგუფმა, რომლებიც კლიმატის ცვლილებების წინააღმდეგ გამოდიან, ბრიტანეთის პარლამენტში, სადაც “ბრექსიტის” შესახებ მეოთხე დებატები მიმდინარეობს, აქცია გამართეს – Reuters-ი ავრცელებს. აქტივისტებს ეხატათ სლოგანები “კლიმატური სამართლიანობა ახლა”, “ეს კოლაფსია” და “საკმარისია დროის დაკარგვა”.
სააგენტოს ინფორმაციით, ევროკავშირიდან ბრიტანეთის გასვლაზე მსჯელობისას რამდენიმე დეპუტატს თვალი აქციის მონაწილეებისკენ გაურბოდა. მოგვიანებით აქციის მონაწილეთაგან მინიმუმ ერთი პოლიციამ გაიყვანა შენობიდან.