ნაძალადევის რაიონში, ურიდიას ქუჩის შესახვევში გრუნტიან ტერიტორიაზე ბეტონის გზა მოეწყო

ნაძალადევის რაიონში, ურიდიას ქუჩა N177-თან არსებული შესახვევის რეაბილიტაცია დასრულდა. პროექტის ფარგლებში, სანიაღვრე ქსელი, საყრდენი კედლები და ბორდიური მოეწყო, 1 400 კვ.მ ფართობზე კი ბეტონის გზა დაიგო.
შესრულებული სამუშაოები ნაძალადევის რაიონის გამგებელმა ირაკლი ანდღულაძემ თბილისის საკრებულოს მაჟორიტარ დეპუტატ ირაკლი ხელაძესთან ერთად დაათვალიერა. გამგებელი და დეპუტატი ადგილობრივ მცხოვრებლებსაც შეხვდნენ.
„ამ ტერიტორიაზე მხოლოდ გრუნტის გზა იყო, რის გამოც ადგილობრივ მოსახლეობას გადაადგილება ძალიან უჭირდა. პირველ ეტაპზე, გამგეობის შუამდგომლობით, კომპანია „ჯორჯიან უოთერ ენდ ფაუერმა“ შეცვალა წყალსადენისა და წყალარინების ქსელი, რის შემდეგაც დავაგეთ გზის საფარი“, – აღნიშნა ირაკლი ანდღულაძემ.
საგზაო ინფრასტრუქტურული პროექტის ღირებულება 146 300 ლარია. სამუშაოები ნაძალადევის რაიონის გამგეობის დაფინანსებით განხორციელდა.

წინა სტატიაშიპროკურორი – თუ სააკაშვილმა მხოლოდ ტელევიზიით გაიგო 7 ნოემბრის ძალადობრივი მოვლენები, მეორე დღეს რატომ დააჯილდოვა უმაღლესი წოდებებით ამ ძალადობის ორგანიზატორი მაღალჩინოსნები?
შემდეგი სტატიაბოკერია – პოლიტიკური ლიდერები თავს იტყუებენ და ეს ცუდია