ნაციონალურმა მოძრაობამ აფხაზთა კრებასთან კონსულტაციები დაასრულა. სერგო რატიანმა დღეს პარტიის გეგმებზე ისაუბრა და განაცხადა, რომ მთავარი მიზანი იძულებით გადაადგილებული პირების საკუთარ სახლებში დაბრუნება იქნება.
“აუცილებელია აფხაზეთის ავტონომიურ რესპუბლიკის და ცხინვალის რეგიონის ლეგიტიმური ხელისუფლების სტრუქტურების რეფორმები დავიწყოთ და ეს გულისხმობს იმას, რომ უნდა მოხდეს აფხაზეთის უზენაესი საბჭოს არჩევნები პერიოდულად და უნდა მოხდეს პირდაპირი არჩევნები, არ უნდა ვიყოთ გაყინული ერთ ადგილას და უნდა ვიმოძრაოთ წინ,- განაცხადა რატიანმა.
