„ნაციონალური მოძრაობისთვის” საარჩევნო კამპანიის წარმოება რთულია, რადგან სანდრა რულოვსისთვის ზუგდიდი არის უცხო

თაიმერი timer.ge
: თაიმერი timer.ge აპრილი 12, 2019 14:23

„ნაციონალური მოძრაობისთვის” საარჩევნო კამპანიის წარმოება რთულია, რადგან სანდრა რულოვსისთვის ზუგდიდი არის უცხო

გაერთიანებული ოპოზიციის ბრალდებებს „ქართულ ოცნებაში“ პროვოკაციად აფასებენ.

როგორც ზუგდიდის საკრებულოს თავმჯდომარემ, მამუკა წოწერიამ განაცხადა, „ნაციონალური მოძრაობის“ რეჟიმი სამეგრელოში არ დავიწყებიათ და სწორედ ეს არის მიზეზი იმისა, რომ მათ საარჩევნო კამპანიის წარმართვა უჭირთ.

„პროვოკაციები ნაციონალური მოძრაობის ხელწერაა. შსს ყველა ფაქტზე გამოძიებას აწარმოებს. „ქართული ოცნება“ ორიენტირებულია მხოლოდ საარჩევნო კამპანიის წარმოებაზე და ჩვენ ზუგდიდის განვითარებაზე ვფიქრობთ, ხოლო სანდრა რულოვსისთვის ზუგდიდი არის უცხო და შესაბამისად, მათთვის კამპანიის წარმოება არის რთული. ისინი გარკვეულ სპეკულაციებს ეწევიან, ამიტომ იმედი გვაქვს, შინაგან საქმეთა სამინისტრო უზრუნველყოფს შესაფერის საარჩევნო გარემოს. პასუხისმგებლობას ვერ ავიღებთ „ნაციონალური მოძრაობის” მმართველობის პერიოდში ნაწამები ადამიანების რეაქციაზე და პროტესტზე, მაგრამ კიდევ ერთხელ გიდასტურებთ, რომ ყველაფერი კანონის ფარგლებში იქნება“, – განაცხადა წოწერიამ.

საკრებულოს თავმჯდომარის განმარტებით, ის პირები, ვინც „ნაციონალური მოძრაობის” ლიდერების თქმით, მათ უთვალთვალებდნენ, „ქართული ოცნების“ წევრები არ არიან, თუმცა შესაძლოა, იყვნენ მხარდამჭერები.

მისივე თქმით, თვალთალი „ნაციონალური მოძრაობის” ხელწერაა და არა „ქართლი ოცნების.”

„იმ პირებთან დაკავშირებით, ვინც მათ მიერ გადაღებულ კადრებზე ჩანს, ინფორმაცია არ მაქვს, თუმცა არ გამოვრიცხავ, როგორც ამომრჩეველი ჩვენი მხარდამჭერი იყოს. არავინ არ უთვალთალებს მათ, ეს არ არის ჩვენი სტილი. რაც შეეხება მიმოწერას, ფალსიფიკაცია „ნაციონალური მოძრაობის” სტილია და ამიტომ მე ამ საკითხზე ვერ გაგცემთ პასუხს. „ნაციონალური მოძრაობას”​ უჭირს საარჩევნო კამპანიის წარმოება, რადგანაც ხალხს სამეგრელოში ახსოვს მათი მმართველობის პერიოდი და ამიტომ საზოგადოებას აქვს პროტესტი, და მათ ამის უფლება კანონის ფარგლებში აქვს. მათ მოუწევთ საზოგადოების მწვავე შეკითხვებზე პასუხის გაცემა, დანარჩენი ყველაფერი არის პროვოკაცია“, – განაცხადა წოწერიამ.

თაიმერი timer.ge
: თაიმერი timer.ge აპრილი 12, 2019 14:23

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

შედეგის ნახვა

Google სტატისტიკა


10,985
ვიზიტორი
დღეში
Powered By Google Analytics