„ნაციონალური მოძრაობის“ საკრებულოს წევრები თბილისის მერიაში მიმდინარე მთავრობის სხდომაზე დასწრებას ითხოვდნენ. თავდაპირველად მერიის დაცვის სამსახური მათ სხდომათა დარბაზში არ უშვებდა. საბოლოოდ, კი მათ სხდომაზე დასწრების საშუალება მიეცათ. დედაქალაქის მთავრობის სხდომას ”ნაციონალური მოძრაობის” საკრებულოს დეპუტატები ლევან ხაბეიშვილი, ირაკლი ნადირაძე და მარიკა დათუკიშვილი ესწრებიან.