“ნაციონალური მოძრაობის“ ლიდერები ცდილობენ, ხელოვნურად დაძაბონ სიტუაცია გარკვეულ უბნებზე”

news
ავტ.: news მაისი 22, 2016 15:14

“ნაციონალური მოძრაობის“ ლიდერები ცდილობენ, ხელოვნურად დაძაბონ სიტუაცია გარკვეულ უბნებზე”

„ქართული ოცნება-დემოკრატიული საქართველოს“ გენერალური მდივანის, კახა კალაძის განცხდებით, პარტია მოუწოდებს ოპონენტებს, თავი შეიკაონ პროვოკაციული ქმედებებისგან.

როგორც კახი კალაძემ დღეს გამართულ პრესკონფერენციაზე განაცხადა, საკრებულოს შუალედური არჩევნების პირველადი მონაცემებით, ამომრჩეველთა აქტივობა საკმაოდ მაღალია.

„ჩვენი ინფორმაციით, ამ ეტაპისთვის არჩევნები მშვიდ ვითარებაში მიმდინარეობს, “ქართული ოცნების” კანდიდატები დამაჯერებლად ლიდერობენ ყველა უბანზე. სამწუხაროა, რომ „ნაციონალური მოძრაობის“ ლიდერები ცდილობენ, ხელოვნურად დაძაბონ სიტუაცია გარკვეულ უბნებზე, აწყობენ პროვოკაციებს და ცდილობენ ხალხის გაღიზიანებას. ვერანაირი მათი პროვოკაცია, რა თქმა უნდა, საერთო ფონს ვერ შეცვლის და ისინი ვერ შეძლებენ სიტუაციის არევას”, – განაცხადა კახი კალაძემ.

მისივე თქმით, „ქართული ოცნება-დემოკრატიული საქართველო“ მოუწოდებს ოპონენტებს, თავი შეიკაონ პროვოკაციული ქმედებებისგან, რადგან ასეთი ფაქტები ძაბავს საარჩევნო გარემოს.

“ჩვენ, „ქართული ოცნება“ ვგმობთ ყველანაირ ძალადობას და მივმართავთ ჩვენს მხარდამჭერებს, არ აყვნენ ოპონენტების პროვოკაციებს, ვინაიდან “ქართული ოცნება-დემოკრატიული საქართველოს” ინტერესებშია არჩევნები ჩატარდეს აბსოლუტურად დემოკრატიულ და თავისუფალ, მშვიდ გარემოში. საქართველომ და ჩვენმა ხელისუფლებამ მრავალი გამოცდა ჩააბარა დემოკრატიული და გამჭირვალე არჩევნების ჩატარებაში. დარწმუნებული ვარ, ეს არჩევნები ისეთივე მაღალ შეფასებას დაიმსახურებს საერთაშორისო საზოგადოებაში, როგორც ჩვენი ხელისუფლების დროს ჩატარებული სხვა არჩევნები”, – განაცხადა კახი კალაძემ.

news
ავტ.: news მაისი 22, 2016 15:14

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


8,353
ვიზიტორი
დღეში
Powered By Google Analytics