2015 წლის ივნისის შემდეგ 60 წელს ზემოთ ასაკის, 6 ათასამდე ადამიანს სოციალური დახმარება შეუჩერდა – ამ ინფორმაციას ნაციონალური მოძრაობა ავრცელებს.
ნაციონალური მოძრაობის სამოქალაქო საზოგადოებასთან ურთიერთობის მდივნის, ზურაბ ჭიაბერაშვილის განცხადებით, სოციალური დახმარება ძირითადად მარტო, ან მეუღლესთან მცხოვრებ პირებს შეუჩერდა, რომლთა ერთადერთი შემოსავალი სახელმწიფოს დახმარებაა.
ნაციონალურ მოძრაობაში ამბობენ, რომ ბოლო ერთი წლის განმავლობაში სოციალური შემწეობის მიმღების შეჩერების ხარჯზე ხელისუფლებამ 15 მილიონი ლარი დაზოგა.