პარლამენტის ბიუროს სხდომაზე “ერთიანი ნაციონალური მოძრაობა” თემირლან მაჩალიკაშვილის საქმეზე, პარლამენტის დროებითი საგამოძიებო კომისიის შექმნას მოითხოვს.
„სახელმწიფო უშიშროების სამსახურის ხელმძღვანელის მოსმენის შემდეგ, კიდევ უფრო დავრწმუნდით იმაში, რომ მხოლოდ კომისიას შეუძლია დაადგინოს სიმართლე და კიდევ ერთხელ ვრწმუნდებით, რომ კომისიის შექმნის გარეშე ეს საკითხი არ იქნება გამოძიებული და აუცილებლად პარლამენტმა უნდა დაიწყოს განხილვა” – აღნიშნა ენმ-ს წევრმა რომან გოცირიძემ.