„ნაციონალური მოძრაობის“ წევრმა ირაკლი ფავლენიშვილმა პარტიაში მიმდინარე შიდაორგანიზაციულ პროცესებზე ისაუბრა და აღნიშნა, რომ ამ ეტაპზე გარდამავალი პერიოდია, რის გამოც თავმჯდომარეობის კანდიდატებზე მსჯელობა ჯერ არ დაწყებულა. მისი თქმით, უახლოეს პერიოდში გახდება ცნობილი ყრილობის თარიღი, სადაც დროებითი მმართველობითი ორგანო დაკომპლექტდება, რის შემდეგაც პარტიის თავმჯდომარის არჩევნები ჩატარდება.
ფავლენიშვილმა დაადასტურა, რომ პარტიის მოქმედი თავმჯდომარე თინა ბოკუჩავა „ნაციონალურ მოძრაობაში“ რჩება და ბრძოლას აგრძელებს. პოლიტიკოსის განმარტებით, ეს გუნდის თითოეული წევრის სურვილია.
„როგორც ვფლობ ინფორმაციას და მან როგორც განაცხადა, რჩება „ნაციონალურ მოძრაობაში“, აგრძელებს ბრძოლას. რა თქმა უნდა, ეს ყველა ჩვენგანის დიდი სურვილია. მისთვის არასოდეს ყოფილა თავმჯდომარეობა ბრძოლის ერთადერთი ფორმა“, – განაცხადა ფავლენიშვილმა.
