„ბათუმელებისა“ და „ნეტგაზეთის“ დამფუძნებელს, მზია ამაღლობელს ჟურნალისტიკის განვითარებაში შეტანილი წვლილისთვის „მედიის ადვოკატირების კოალიციის“ ჯილდო გადაეცა. ამის შესახებ ქარტიის პრიზი 2025-ის გამარჯვებულების დაჯილდოების ღონისძიებაზე გამოცხადდა.
„მედიის ადვოკატირების კოალიცია“ აერთიანებს მედიის საკითხებზე და მედიის წარმომადგენელთა უფლებებზე მომუშავე არასამთავრობო ორგანიზაციებს და მისი მიზანია, ხელი შეუწყოს თავისუფალი მედიაგარემოს შექმნას საქართველოში.
