ეკონომიკის სამინისტროს მთის კურორტების განვითარების კომპანია უკვე გუდაურში დამონტაჟებული საბაგიროს მწარმოებელ კომპანია „დოპელმაიერს“ დაუკავშირდა.
როგორც მთის კურორტების განვითარების კომპანიის განცხადებაშია ნათქვამი, გუდაურის საბაგიროს ავარიული გაჩერების მიზეზის დასადგენად კომპანიამ ექსპერტები უნდა გამოგზავნოს.
„ეკონომიკის სამინისტროს მთის კურორტების განვითარების კომპანია უკვე დაუკავშირდა საბაგიროს მწარმოებელ კომპანია „დოპელმაიერს“, რათა მყისიერი რეაგირება მოხდეს ფაქტზე და გამომწვევი მიზეზების დასადგენად მათ გამოგზავნონ ექსპერტები“, – ნათქვამია განცხადებაში.
მთის კურორტების განვითარების კომპანიის მიერ გავრცელებული განცხადების თანახმად, გუდაურში, სათხილამურო ტრასაზე, პირველადი ინფორმაციით, საბაგირო ავარიულად გაჩერდა და უკუსვლით ამოძრავდა, რის შედეგადაც, წინასწარი მონაცემებით, 10 მოქალაქე დაშავდა.
