საქართველოს მთავრობის გადაწყვეტილებით, უკრაინის იმ მოქალაქეებს, რომლებიც 2025 წლის 24 თებერვლამდე შემოვიდნენ და იმყოფებოდნენ საქართველოში, ქვეყანაში ყოფნის უფლება კიდევ ერთი წლით, 2027 წლის 24 თებერვლამდე გაუგრძელდათ.
შესაბამისი ცვლილება შევიდა საქართველოს მთავრობის დადგენილებაში „იმ ქვეყნების ჩამონათვალის დამტკიცების შესახებ, რომელთა მოქალაქეებსაც შეუძლიათ საქართველოში უვიზოდ შემოსვლა“.
დადგენილებას ხელს აწერს საქართველოს პრემიერ-მინისტრი ირაკლი კობახიძე.
