მთავრობის ადმინისტრაციის უფროსმა განმარტა, რა შემთხვევებში არ იქნება სავალდებულო პირბადის ტარება

ქეთი ფერაძე
ავტ.: ქეთი ფერაძე ივნისი 15, 2020 12:41

მთავრობის ადმინისტრაციის უფროსმა განმარტა, რა შემთხვევებში არ იქნება სავალდებულო პირბადის ტარება

პირბადის ტარების ვალდებულება არ გავრცელდება და ეს წესი არ შეეხება 6 წლამდე ასაკის ბავშვებს, – ამის შესახებ მთავრობის ადმინისტრაციის უფროსმა ნათია მეზვრიშვილმა განაცხადა.

მან ისაუბრა გამონაკლისებზე, თუ რა შემთხვევაში არ იქნება სავალდებულო პირბადის ტარება. მთავრობის ადმინისტრაციის უფროსმა ხაზი გაუსვა, რომ აღნიშნული გადაწყვეტილებების დროს, გათვალისწინებულია შესაბამისი სპეციალისტების რეკომენდაციები.

„არ გავრცელდება და ეს წესი არ შეეხება იმ ადამიანებს, რომლებსაც აქვთ სასუნთქი სისტემის პრობლემა, მათ შორის, ფილტვის ქრონიკული დაავადებები, ბრონქული ასთმა, აგრეთვე, შეზღუდული შესაძლებლობის მქონე პირებს და კიდევ გარკვეული კატეგორიის პირებს, რომლებსაც ჯანმრთელობის მდგომარეობიდან გამომდინარე, არ შეუძლიათ პირბადის ტარება. ეს ყველაფერი დეტალურად იქნება მითითებული მთავრობის დადგენილებაში. ასევე, არ იქნება სავალდებულო პირბადის გამოყენება, სპეციალიზებულ დაწესებულებაში მომსახურე პერსონალისთვის, შესაბამისი სამიზნე ჯგუფისთვის, კონკრეტული სოციალური სერვისის, კონკრეტული სარეაბილიტაციო სერვისის მიწოდებისას, მაგალითად, ლოგოპედის მომსახურება“, – აღნიშნა ნათია მეზვრიშვილმა.

ქეთი ფერაძე
ავტ.: ქეთი ფერაძე ივნისი 15, 2020 12:41

Google სტატისტიკა


1,942
ვიზიტორი
დღეში
Powered By Google Analytics