“არ მოგაკვლევინებთ” – ამ წარწერებით პლაკატები მთავრობის ადმინისტრაციასთან გაშალეს. პროტესტის მონაწილეები მიხეილ სააკაშვილის მულტიფუნქციურ, სამოქალაქო კლინიკაში გადაყვანას ითხოვენ.
კანცელარიის შენობასთან საზოგადოების წარმომადგენლები და ხელოვანები არიან შეკრებილი.
დღეს მიხეილ სააკაშვილის პატიმრობისა და შიმშილობის 46-ე დღეა. უკვე დაიწყო მსვლელობა მეტრო ავლაბრის ტერიტორიიდან. ოპოზიცია მიხეილ სააკაშვილის სამოქალაქო კლინიკაში გადაყვანის, ასევე ვადამდელი სამართლიანი არჩევნების მოთხოვნით, ორივე სანაპიროს გადაკეტვას გეგმავს.