მთავრობის ადმინისტრაციამ 56 250 ლარის ღირებულების ავეჯი და 45 350 ლარის ღირებულების კომპიუტერული ტექნიკა უნდა შეიძინოს. ირაკლი კობახიძემ ადმინისტრაციას ამ შესყიდვებზე თანხმობა 2 აპრილს ხელმოწერილი 380-ე და 381-ე განკარგულებებით მისცა.
აუქციონის გარეშე სამაგიდე კომპიუტერების და ავეჯის შეძენაზე სახელმწიფო შესყიდვა 6 აპრილს გამოცხადდა. განაცხადების მიღება კომპიუტერების შემთხვევაში 13 აპრილს დაიწყება და 15 აპრილს დასრულდება. ჯამში ადმინისტრაციას 45 350 ლარად 27-ინჩიანი 20 მონიტორის და 14-ბირთვიანი 11 პროცესორი უნდა შეიძინოს.
ავეჯის შესაძენად გამოცხადებულ ტენდერში განაცხადების მიღება 15 აპრილიდან დაიწყება და 17 აპრილს დასრულდება. ეს შესყიდვა 140 საოფისე სავარძელს, 1 გორგოლაჭიან სავარძელს და ერთ საოფისე მაგიდას მოიცავს.
