საქართველოს პრემიერ-მინისტრ ირაკლი კობახიძის გადაწყვეტილებით, საპატრიარქოს დაქვემდებარებაში არსებულ 42 საგანმანათლებლო დაწესებულებას ჯამში 5 250 000 ლარი გამოეყო. შესაბამისი ინფორმაცია მთავრობის №1990 განკარგულებაშია აღნიშნული.
დოკუმენტის თანახმად, დაფინანსება ითვალისწინებს საპატრიარქოს სკოლებს, გიმნაზიებს, სკოლა-გიმნაზიებს, უნივერსიტეტსა და ფონდს. თითოეულ დაწესებულებაზე 40 000 ლარი მოდის. თანხა 2026 წლის სახელმწიფო ბიუჯეტიდან, „ზოგადსაგანმანათლებლო სკოლების დაფინანსების“ პროგრამის ფარგლებში გამოიყო.
ამასთანავე, მთავრობის №1904 განკარგულებით, საპატრიარქოს პრივატიზების ფორმით, სიმბოლურ ფასად — 1 ლარად გადაეცა უძრავი ქონება სამტრედიის მუნიციპალიტეტში.
სოფელ ნაბაკევში მდებარე 3 739 კვ.მ ფართობის მიწის ნაკვეთი მასზე განთავსებული ორი შენობა-ნაგებობით საპატრიარქოს საკუთრებაში გადავიდა.
