მთავრობამ NATO-სა და EU-ს შესახებ საინფორმაციო ცენტრის ყოფილი შენობა აუქციონის წესით, 34 810 000 ლარად გაყიდა.
NATO-სა და EU-ს შესახებ საინფორმაციო ცენტრის ყოფილი შენობა შალვა დადიანისა და კოტე აფხაზის ქუჩების კვეთაზე, თავისუფლების მოედანთან ახლოს მდებარეობს, მას კულტურული მემკვიდრეობის უძრავი ძეგლის სტატუსი აქვს მინიჭებული.
საინფორმაციო ცენტრი NATO-სა და EU-ს შესახებ, როგორც ცალკე სტრუქტურა „ქართული ოცნების” გადაწყვეტილებით გაუქმდა.
ცენტრი 2005 წელს საქართველოს NATO-სთან ინტეგრაციის საკითხებზე მოსახლეობისათვის ამომწურავი, ობიექტური ინფორმაციის მიწოდებისა და ამით მოსახლეობის გაცნობიერებული მხარდაჭერის მოპოვებისთვის დაარსდა. 2013 წლიდან კი ამ ამოცანას კიდევ ერთი მიმართულება დაემატა – EU და მის საინფორმაციო კამპანიასთან დაკავშირებული აქტივობები.
