მთავარი სიკეთე, რაც მოაქვს საერთაშორისო რეიტინგების გაუმჯობესებას, არის ინვესტორების მხრიდან ქვეყნის მიმართ დაინტერესების ზრდა

თაიმერი timer.ge
: თაიმერი timer.ge აპრილი 14, 2019 11:43

მთავარი სიკეთე, რაც მოაქვს საერთაშორისო რეიტინგების გაუმჯობესებას, არის ინვესტორების მხრიდან ქვეყნის მიმართ დაინტერესების ზრდა

მთავარი სიკეთე, რაც მოაქვს საერთაშორისო რეიტინგების გაუმჯობესებას, არის ინვესტორების მხრიდან ქვეყნის მიმართ დაინტერესების ზრდა, რაც კონვერტირდება ეკონომიკურ ზრდასა და სამუშაო ადგილების შექმნაში, – ამის შესახებ ფინანსთა მინისტრმა ივანე მაჭავარიანმა საერთაშორისო სარეიტინგო სააგენტო Standard & Poors-ის მიერ საქართველოს სუვერენული საკრედიტო რეიტინგის პერსპექტივის გაუმჯობესების შეფასებისას განაცხადა.

როგორც ფინანსთა მინისტრმა განაცხადა, მნიშვნელოვანია ქვეყანაში გაგრძელდეს რეფორმები, რომელთა მიზანია ეკონომიკური ზრდის ხელშეწყობა და მოსახლეობის კეთილდღეობის ზრდა.

„როდესაც მატულობს ქვეყნის მიმართ სანდოობა და დაბალია რისკები, გაცილებით იოლად შემოდის ფულადი სახსრები. შესაბამისად, ხორციელდება მეტი ინვესტიცია. საბოლოო ჯამში, ეს ყველაფერი კონვერტირტება ახალ სამუშაო ადგილებსა და მოსახლეობის კეთილდღეობის ზრდაში. შესაძლებელია მოსახლეობამ მაშინვე ვერ იგრძნოს ეს სიკეთე, თუმცა მთავარია, შენარჩუნდეს ეკონომიკური მდგრადობა, არ მოხდეს რეფორმების დღის წესრიგიდან გადახვევა. მნიშვნელოვანია ვიყოთ ერთგულები იმ ეკონომიკური პოლიტიკისა და რეფორმების, რომელსაც ვატარებთ. ეს არის დროში გაწერილი პროცესი, რომელიც გარანტირებულად მოიტანს სიკეთეს, რასაც ჰქვია მეტი ინვესტიცია, მეტი სამუშაო ადგილი და მეტი კეთილდღეობა”, – აღნიშნა ფინანსთა მინისტრმა ვაშინგტონიდან, ტელეკომპანია „იმედის“ ეთერში ჩართვისას.

შეგახსენებთ, საერთაშორისო სარეიტინგო სააგენტო „Standard & Poors-მა“ საქართველოს სუვერენული საკრედიტო რეიტინგის პერსპექტივა გააუმჯობესა სტაბილურიდან პოზიტიურამდე, ხოლო რეიტინგი დაადასტურა კვლავ „BB-„ – ის დონეზე.

ინფორმაციას ფინანსთა სამინსიტროს პრესსამსახური ავრცელებს.

თაიმერი timer.ge
: თაიმერი timer.ge აპრილი 14, 2019 11:43

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


10,427
ვიზიტორი
დღეში
Powered By Google Analytics