უკრაინის პრეზიდენტმა, ვოლოდიმირ ზელენსკიმ 15 აპრილს, CNN-ს განუცხადა, რომ „მსოფლიოს ყველა ქვეყანა“ იმ შესაძლებლობისთვის მზად უნდა იყოს, რომ რუსეთის პრეზიდენტმა, ვლადიმერ პუტინმა უკრაინის წინააღმდეგ ომში, ტაქტიკური ბირთვული იარაღის გამოყენება ნამდვილად გადაწყვიტოს.
მისი თქმით, ეს არა მხოლოდ უკრაინას, არამედ მთელი მსოფლიოსათვის მნიშვნელოვანი საკითხია.
„არა მხოლოდ მე – მთელმა მსოფლიომ, ყველა ქვეყანამ უნდა ინერვიულოს, რადგან ეს ნამდვილად შეიძლება იყოს სიმართლე. მათთვის ხალხის სიცოცხლე არაფერია… არ უნდა შეგეშინდეთ, მაგრამ მზად უნდა ვიყოთ. ეს არა მხოლოდ უკრაინის, არამედ მთელი მსოფლიოს საკითხია“, – აღნიშნა ვოლოდიმირ ზელენსკიმ.