გლობალურ ბირჟებზე ოქროს ფასი კვლავ იზრდება. ბოლო ვაჭრობის შედეგად, ძვირფასი ლითონის ღირებულებამ დღეში 38 დოლარით მოიმატა და 1 უნციამ 4539 აშშ დოლარი შეადგინა.
„Gold Price“-ის მონაცემების თანახმად, დღიურ ჭრილში ოქრო 0.84%-ით გაძვირდა. აღსანიშნავია, რომ მიუხედავად ბოლო ერთი თვის განმავლობაში დაფიქსირებული 2.49%-იანი კლებისა, წლიურ ჭრილში ოქროს ფასი შთამბეჭდავად — 36.84%-ით არის გაზრდილი.
გლობალური ტენდენციები აისახა საქართველოს ბაზარზეც, სადაც ოქრო ერთ დღეში საშუალოდ 11 ლარით გაძვირდა. დღეის მდგომარეობით, 1 გრამი 999 სინჯის ოქროს ფასი 401 ლარის ფარგლებში მერყეობს, მაშინ როცა წინა დღეებში მისი ღირებულება დაახლოებით 390 ლარს შეადგენდა.
