მსოფლიო ბაზარზე ნავთობის ფასი აშშ-ირანის ომამდე არსებულ ნიშნულს დაუბრუნდა.
ინფორმაციას CNN ავრცელებს და წერს, რომ გლობალური ნავთობის ფასი ბარელზე 76 დოლარს ჩამოსცდა. მათივე ცნობით, ბრენტის ფასი 2 %-ით დაეცა და 75.50 დოლარს მიაღწია. ეს 27 თებერვლის შემდეგ ყველაზე დაბალი ნიშნულია.
გამოცემა წერს, რომ აშშ-ის ნავთობის საორიენტაციო ფასი, West Texas Intermediate-ის, 72.03 დოლარამდე დაეცა, რაც 3 მარტის შემდეგ ყველაზე დაბალი მაჩვენებელია.
CNN-ის ინფორმაციით, ომამდე, მსოფლიო ნავთობის დაახლოებით 20 პროცენტი, დღეში 20 მილიონი ბარელი, გადიოდა სრუტეში.
