ორი საათის წინ ჩხოროწყუს რაიონის სოფელ ხაბუმეში ავტოავარია მოხდა. წალენჯიხის გამგებლის მოადგილე, რომელიც საჭეს მართავდა, დაეჯახა სოფელ მუხურის მკვიდრს ვინმე ხარჩილავას. ზუსტი ვინაობა დგინდება. როგორც “თაიმერს” შემთხვევის ადგილიდან აცნობეს, დაზარალებული ადგილზე გარდაიცვალა. საჭესთან მყოფი გამგებლის მოადგილეს მიღებული აქვს დაზიანებები. იგი სასწრაფოდ რეანომობილით გადაჰყავთ ქუთაისის ცენტრალური საავადმყოფოში.
როგორც “თაიმერს” შსს-ში განუცხადეს გამოძიება საქართველოს სისხლის სამართლის კოდექსის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.