“ახალგაზრდა იურისტთა ასოციაცია” სახელმწიფოს დეა გოშხეთელიანის წინააღმდეგ დაუსაბუთებელი და კანონთან შეუსაბამო გადაწყვეტილების მიღებაში ადანაშაულებს. შესაბამისი სარჩელით ორგანიზაცია სასამართლოს დღეს მიმართავს.
“იმის ნაცვლად, რომ სახელმწიფომ ქალს შესთავაზოს ძალადობისგან დაცვის ეფექტური მექანიზმები, ის რეპრესიულ ღონისძიებებს იყენებს მსხვერპლის მიმართ”- ამბობენ ორგანიზაციაში.
დეა გოშხეთელიანი ყოფილ მეუღლეს მასზე და მის მამაზე ფიზიკურ ძალადობაში ადანაშაულებს.
„ის ორდერები, რომელიც იქნა გამოცემული დეა გოშხეთელიანის მიმართ, ვთვლით, რომ არის დაუსაბუთებელი და უკანონო, რადგანაც მსხვერპლის მიერ გამოთქმული მოსაზრება დანაშაულთან დაკავშირებით და იმ ძალადობასთან, რომელიც იყო მის მიმართ განხორციელებული, არ შეიძლება ჩაითვალოს მისი მხრიდან რაიმე სახის ძალადობად,“-აცხადებს საია-ს იურისტი რევაზ აჭარაძე.
