მფრინავი “რობოტი-მწყემსი” თვითმფრინავებს ჩიტებისგან გზას გაუნთავისუფლებს

timer.ge თაიმერი
: timer.ge თაიმერი აგვისტო 10, 2018 14:58

მფრინავი “რობოტი-მწყემსი” თვითმფრინავებს ჩიტებისგან გზას გაუნთავისუფლებს

მნიშვნელოვანი

  • მფრინავი "რობოტი-მწყემსი" თვითმფრინავებს ჩიტებისგან გზას გაუნთავისუფლებს

სხვა სტატიები

ბრიტანელი და კორეელი სწავლულების ახალი გამოგონება “რობოტი-მწყემსი” საშუალებას იძლევა ფრინველების გადაფრენა მართოს და თვითმფრინავები ჩიტების შეჯახებისგან დაიცვას. დრონს შეუძლია აეროპორტიდან ან საჰაერო კორიდორიდან ფრინველების გუნდი გადარეკოს ისე, რომ მათ ტრავმა არ მიაყენოს და გუნდიც არ დაშალოს.
“საჰაერო მწყემსი” დაფრინავს ტრაექტორიით, რომელიც ლონდონის საიმპერატორო კოლეჯის მეცნიერებმა გამოითვალეს. დრონმა წარმატებით გაიარა გამოცდა სამხრეთ კორეაში, ქალაქ ტეჯონში, რომელიც ქვეყანაში სიდიდით მეხუთე ქალაქია.

ოფიციალური სტატისტიკით, მხოლოდ ბრიტანეთში ყოველწლიურად თვითმფრინავის და ჩიტების დაჯახების 1500 შემთხვევაა. ყოველი ასეთი შემთხვევის შემდეგ პილოტი იძულებულია უახლოეს აეროპორტში დასვას თვითმფრინავი, რომ მიყენებული დაზიანება შეაფასოს. შესაბამისად, მგზავრები ალტერნატიულ რეისზე გადაყავთ ავიაკომპანიის ხარჯზე, რაც მილიონობით დოლართან არის დაკავშირებული.

რისკის მინიმუმამდე შესამცირებლად აეროპორტები იყენებენ საჰაერო შაშხანებს, ლაზერებს და სხვა საშუალებებს, რომელსაც ჩიტების ტრავმირება შეუძლია, შესაძლებელია, სიკვდილიც.

ლონდონის საიმპერატორო კოლეჯის აერონავტიკის კათედრის მეცნიერებმა ჩიტების გუნდის მოძრაობის მათემატიკური მოდელი შეიმუშავეს რომ გაეგოთ როგორ ერთიანდებიან და ინარჩუნებენ წყობას, როგორ რეაგირებენ საშიშროებაზე და ამაზე როგორ აცნობებენ გუნდის სხვა წევრებს. ამ მოდელით შეიქმნა ალგოროთმი, რომელიც იდეალურ ტრაექტორიას ითვლის, რომლის მიხედვითაც დრონს ფრინველების განდევნა შეუძლია დაცული კორიდორებიდან.
ექსპერიმენტმა კარგი შედეგები აჩვენა – “ბიბისი” წერს.

timer.ge თაიმერი
: timer.ge თაიმერი აგვისტო 10, 2018 14:58

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


3,719
ვიზიტორი
დღეში
Powered By Google Analytics