თბილისის საქალაქო სასამართლოში, ხორავას ქუჩის მკვლელობის საქმის ფარგლებში დაკავებული მირზა სუბელიანის საქმის არსებითი განხილვა დაიწყება.
ბრალდებულის ჯანმრთელობის მდგომარეობა როგორც ჩანს გაუმჯობესდა, რადგან წინა სხდომა ამ მიზეზით ვერ ჩატარდა.
დღევანდელ სხდომაზე სიტყვით ისარგებლებს დაცვის მხარე. მირზა სუბელიანს ხორავას ქუჩაზე მომხდარი მკვლელობის საქმეზე ბრალი დანაშაულის შეუტყობინებლობაში ედება.
გამოძიების მიხედვით, 2017 წლის 1 დეკემბერს ორი არასრულწლოვნის მკვლელობის შემდეგ მირზა სუბელიანისთვის ცნობილი გახდა გ.ჯ.-ს დანაშაულის შესახებ, რაც მან არ შეატყობინა სამართალდამცავ ორგანოებს.
