ხორავას ქუჩაზე, მოზარდების მკვლელობის საქმეზე ერთ-ერთ ბრალდებულს პარლამენტის საგამოძიებო კომისიის წევრები დღეს გლდანის ციხეში გამოკითხავენ.
დეპუტატებს სასჯელაღსრულების დაწესებულებაში 14:00 საათზე ელოდებიან. საგამოძიებო კომისიის სხდომაზე გუშინ ერთ-ერთი არასრულწლოვანი მოწმე გამოიკითხა.
პროცესი დახურულ რეჟიმში, ფსიქოლოგების თანხლებით შედგა. მიმდინარე კვირაში კომისია კიდევ ორი არასრულწლოვნის გამოკითხვას გეგმავს – ეს ის მოზარდები არიან, რომლებიც ხორავას ქუჩაზე მომხდარ ჩხუბში უშუალოდ ფიგურირებდნენ.
