ირაკლი ღარიბაშვილის თანამდებობიდან წასვლა პარლამენტის თავმჯდომარის მოადგილემ და დამოუკიდებელმა დეპუტატმა, მურმან დუმბაძემ, შეაფასა.
„როცა პრემიერი თანამდებობაზე მოვიდა, მაშინაც ჩავთვალე, რომ ის არის წასული, იმიტომ, რომ ნებისმიერი პოლიტიკური თანამდებობის პირი მისი თანამდებობის მოსაპოვებლად საკუთარ წილს უნდა დებდეს, ირაკლი ღარიბაშვილი არასდროს ყოფილა დამოუკიდებელი პრემიერმინისტრი, საქართველოს ჰყავს პრემიერმინისტრი ბიძინა ივანიშვილის სახით, ნაკლებად საინტერესოა ირაკლი ღარიბაშვილი, მოსვლის დღიდან ის არის წარსული, ვფიქრობ, რომ 2016 წლის საპარლამენტო არჩევნებში მოსახლეობა განაჩენს არამხოლოდ ბიძინა ივანიშვილს, არამედ კოალიცია ქართულ ოცნებას გამოუტანს,“- განაცხადა მურმან დუმბაძემ.
