„ლელო-ძლიერი საქართველოს“ წევრი თაზო დათუნაშვილი მმართველი გუნდის სასკოლო რეფორმას „საგანმანათლებლო სისტემის სრულ კრახს“ უწოდებს.
ოპოზიციონერი ლიდერის თქმით, „ქართულმა ოცნებამ“ 1-6 კლასის მოსწავლეებისთვის სავალდებულო ფორმების შეკერვა მილიონობით დოლარის სანაცვლოდ ჩინურ კომპანიას მიანდო, მაშინ როცა ქართული ტექსტილი ევროპაში საუკეთესო ბრენდებისთვის მუშაობს, ხოლო ფორმების ყიდვა ისევ მშობლებს მოუწევთ:
„რეფორმის საგანი გახდა ის, თუ როგორ ჩაიცვამენ ჩვენი შვილები, რომელთა 35% მშივრები არიან სასკოლო პერიოდში. “ოცნებას” ეს აინტერესებს და არა მათი გამოკვება. შეცვლიან სასკოლო წიგნების ყდებს და არა შინაარსს. ეს არის უბრალოდ ეკონომიკური დანაშაული“.
