რუსეთში ტელეარხ «Россия 1»-ის ოპერატორი ანდრეი ნაზარენკო მოსკოვში, საკუთარ ბინაში იპოვეს მკვდარი – რუსული მედია სამართალდამცველების ინფორმაციაზე დაყრდნობით ავრცელებენ.
მედიაში გავრცელებული ინფორმაციით, ოპერატორს 5 ტყვია აქვს მოხვედრილი, მათგან სამი – თავში.
წინასწარი ვერსიით, ოპერატორი 19 ივლისს მოკლეს. მისი ცხედარი ერთი დღის შემდეგ მისმა შვილმა აღმოაჩინა.
სხვა ინფორმაციით, ოპერატორის ცხედარი მეუღლემ იპოვა და მას 6 ტყვია აქვს მოხვედრილი.
ნათესავებმა გამოძიებას განუცხადეს, რომ ნაზარენკო არ იყო კონფლიქტური ადამიანი და მას არავინ ემუქრებოდა.
მომხდართან დაკავშირებით, სხვა ინფორმაცია არ ვრცელდება.
