რუსეთის ფედერაციამ ჭადრაკში მსოფლიოს მრავალგზის ჩემპიონზე, ცნობილ ოპოზიციონერ პოლიტიკოს გარი კასპაროვზე საერთაშორისო ძებნა გამოაცხადა. ინფორმაციას რუსული სამთავრობო მედია სამართალდამცავ სტრუქტურებზე დაყრდნობით ავრცელებს.
ოფიციალური ცნობით, რუსმა გამომძიებლებმა კასპაროვი საერთაშორისო ძებნილთა სიაში ოფიციალურად შეიყვანეს.
ლეგენდარული მოჭადრაკე, რომელიც წლებია აშშ-ში ცხოვრობს, კრემლისა და პუტინის რეჟიმის ერთ-ერთი ყველაზე რადიკალური კრიტიკოსია, განსაკუთრებით რუსეთის მიერ უკრაინაში გაჩაღებული ომის დაწყების შემდეგ. მოსკოვის ეს ნაბიჯი მის წინააღმდეგ მიმდინარე პოლიტიკური დევნის მორიგი ეტაპია.
