გორის საკრებულოს თავმჯდომარის მრჩეველი ირაკლი ოქრუაშვილი, გორში მოსკოვის ქუჩის სახელის შეცვლის ინიციატივით გამოდის. ამის შესახებ განცხადებას, ყოფილი თავდაცვის მინისტრი და ამჟამად გორის საკრებულოს თავმჯდომარის თანაშემწე საკუთარ ფეისბუკ გვერდზე აქვეყნებს. მისი თქმით დროა, მოსკოვის ქუჩას გიორგი ანწუხელიძის სახელი ეწოდოს.
“ალბათ ურიგო არ იქნება და დროულია, თუ გორში მოსკოვის ქუჩას სახელს შევუცვლით და საქართველოს უახლეს ისტორიაში თავდადების, ვაჟკაცობის და გმირობის ეტალონის, გიორგი ანწუხელიძის სახელს დავარქმევთ”-აცხადებს ოქრუაშვილი.