მოსკოვის ცენტრში, კუდრინის მოედანზე მდებარე რესტორან Balzi Rossi-ში ძლიერი აფეთქება მოხდა. წინასწარი მონაცემებით, შემთხვევის შედეგად 3 ადამიანი დაიღუპა, ხოლო 17-მა სხვადასხვა ხარისხის დაზიანება მიიღო.
ინფორმაციას რუსული სახელმწიფო მედია და Telegram-არხები ავრცელებენ.
არსებული ცნობით, აფეთქების მომენტში რესტორანი კერძო ღონისძიებისთვის იყო დახურული. ვრცელდება ინფორმაცია, რომ ობიექტზე რუსეთის საჰაერო-კოსმოსური ძალების მთავარსარდალი, ალექსანდრ ჩაიკო თავის 55-ე დაბადების დღეს აღნიშნავდა.
ადგილზე მობილიზებულია საგანგებო სიტუაციების მართვის სამსახურები და სამართალდამცავები. აფეთქების გამომწვევი მიზეზები და დაშავებულთა მდგომარეობა ამ ეტაპზე ზუსტდება.
