მოსკოვში, დომოდედოვას აეროპორტის გაჩერებაზე სახანძრო მანქანამ მინიმუმ რვა ადამიანი გაიტანა. შედეგად ერთი დაიღუპა, დანარჩენებმა ტრავმები მიიღეს – წერს “ბიბისი”. “ოთხი ადამიანი მძიმე მდგომარეობით საავადმყოფოშია გადაყვანილი” – რუსეთის საგამოძიებო კომიტეტი ავრცელებს.
წინასწარი მონაცემებით, მომხდარის მიზეზი სახანძრო მანქანის მძღოლის მიერ საგზაო წესების დარღვევაა. არსებობს ვერსია იმის შესახებაც, რომ მანქანის მძღოლს ჰიპერტონიული შეტევა დაემართა. მომხდარზე მიმდინარეობს გამოძიება.
