რუსეთის საგარეო საქმეთა სამინისტროს პრესსპიკერმა, მარია ზახაროვამ, სომხეთში გამართული საპარლამენტო არჩევნების მიმდინარეობა შეაფასა. მოსკოვის პოზიციით, საარჩევნო პროცესი დემოკრატიული პრინციპებისა და პროცედურების დარღვევით წარიმართა.
ზახაროვას განცხადებით, წინასაარჩევნო კამპანია და ხმის მიცემის პროცესი ოპოზიციური პარტიების, მათი მხარდამჭერებისა და სომხური სამოციქულო ეკლესიის მიმართ ზეწოლის ფონზე მიმდინარეობდა.
რუსეთის საგარეო უწყების წარმომადგენელმა ასევე აღნიშნა, რომ არჩევნების შედეგების მიხედვით, პრემიერ-მინისტრ ნიკოლ ფაშინიანის პარტიის, „სამოქალაქო კონტრაქტის“ მხარდაჭერა შემცირებულია. მისივე მტკიცებით, სომხურ საზოგადოებაში რუსეთთან ორმხრივი ურთიერთობების განვითარების მოთხოვნა არსებობს.
რაც შეეხება კრემლის სამომავლო პოლიტიკას, პრესსპიკერმა განმარტა, რომ მოსკოვი ერევანთან ურთიერთობების კურსს სომხეთის ხელისუფლების რეალური ნაბიჯების გათვალისწინებით განსაზღვრავს.
