“მოსამართლის შეცდომას არ უნდა შეეწიროს რომელიმე მუხლი“

news
ავტ.: news ნოემბერი 13, 2015 15:38

“მოსამართლის შეცდომას არ უნდა შეეწიროს რომელიმე მუხლი“

მნიშვნელოვანი

  • გია ლილუაშვილმა დღეს რამდენიმეჯერ ახსენა, რომ ის ნორმები, რომლის მიხედვითაც საქალაქო სასამართლოს მოსამართლემ თამაზ ურთმელიძემ გადაწყვეტილებები მიიღო, არ ეწინააღმდეგებოდა კონსტიტუციას და ეს იყო მხოლოდ მოსამართლის შეცდომა.

სხვა სტატიები

საკონსტიტუციო სასამართლოში სხდომაზე შესვენება გამოცხადდა, მანამდე კი სარჩელში შეტანილ ნორმებთან დაკავშირებით საკუთარ პოზიციას გამოხატავდა პარლამენტის შუამდგომლობით სხდომაზე მოწვეული სპეციალისტი.

გია ლილუაშვილმა დღეს რამდენიმეჯერ ახსენა, რომ ის ნორმები, რომლის მიხედვითაც საქალაქო სასამართლოს მოსამართლემ თამაზ ურთმელიძემ გადაწყვეტილებები მიიღო, არ ეწინააღმდეგებოდა კონსტიტუციას და ეს იყო მხოლოდ მოსამართლის შეცდომა.

„ვფიქრობ, ალბათ უმჯობესი იქნებოდა რაღაცეების უფლებები არ მიეცა დროებითი მმართველისთვის. მაგრამ, ვიმედოვნებ, რომ ბატონი მოსამართლე როდესაც ასეთ განჩინებას იღებდა, ალბათ ფიქრობდა, რომ დროებითი მმართველი კეთილსინდისიერებიდან გამომდინარე არ გაასხვისებს იმ ქონებას, რაზეც დავაა. მე დარწმუნებული ვარ, რომ ეს არ ეწინააღმდეგება არცერთ იმ კონსტიტუციურ მუხლს. მოსამართლის შეცდომას არ უნდა შეეწიროს რომელიმე მუხლი”, – განაცხადა გია ლილუაშვილმა.

უფრო კონკრეტულად კი ამ ნორმებთან დაკავშირებით დასმულ შეკითხვებს სპეციალისტმა ზუსტი პასუხი ვერ გასცა, მოსამართლეებს მოუწიათ მისთვის რამდენიმეჯერ შეეხსენებინათ თუ რატომ იყო ის მიწვეული დარბაზში.

სპეციალისტს დღეს კითხვები ტელეკომპანია საქართველოს ადვოკატებმაც დაუსვეს. ამ შემთხვევაშიც გია ლილუაშვილი შეეცადა, რომ მიღებული გადაწყვეტილება მთლიანად მოსამართლე ურთმელიძის მიერ დაშვებული შეცდომისთვის დაებრალებინა.

news
ავტ.: news ნოემბერი 13, 2015 15:38

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,509
ვიზიტორი
დღეში
Powered By Google Analytics