მოროშკინა მთავარმა პროკურატურამ მერაბიშვილის საქმეზე დაკითხა

news
ავტ.: news აგვისტო 13, 2016 17:31

მოროშკინა მთავარმა პროკურატურამ მერაბიშვილის საქმეზე დაკითხა

სასჯელაღსრულების დეპარტამენტის თავმჯდომარის დიმიტრი დარბაისელის ყოფილი მრჩეველი ლალი მოროშკინა მთავარ პროკურატურაში დაკითხვაზე იმყოფებოდა. ის შინაგან საქმეთა ყოფილი მინისტრის ვანო მერაბიშვილის საკნიდან გაყვანის ფაქტზე დაწყებული გამოძიების ფარგლებში დაკითხეს.

მოროშკინას თქმით, დამტკიცდება, რომ მერაბიშვილი საკნიდან არ გაუყვანიათ.

„მთავარი არის ის, რომ არაკვალიფიციურად მოიქცა დიმიტრი დარბაისელი, რომელსაც შეეძლო მოეწვია პრესკონფერენცია, წაეყვანა ჟურნალისტები ციხის სისტემაში, ეჩვენებინა ადგილზე – როგორ ხდება ჩაწერა და კონტროლდება ყველაფერი კამერებით და შესაბამისად, როგორ იშლება კამერების ჩანაწერები 24 საათში.

იმიტომ რომ არ მოხდა ამის ახსნა და ეს კარგად გამოიყენა, როგორც მანიპულატორმა, ვანო მერაბიშვილმა, ცხადია, შეკითხვები არის, მაგრამ მე დარწმუნებული ვარ, რომ ყველაფერი დამტკიცდება“, – აცხადებს მოროშკინა.

შინაგან საქმეთა ყოფილი მინისტრის ვანო მერაბიშვილის საკნიდან გაყვანის ფაქტზე მთავარმა პროკურატურამ გამოძიება ივნისში დაიწყო.

უწყების განმარტებით, ამის საფუძველი ადამიანის უფლებათა ევროპული სასამართლოს 2016 წლის 14 ივნისის გადაწყვეტილება გახდა.

პროკურატურის პრესსამსახურის განცხადებით, გამოძიება დაიწყო ცალკეულ საჯარო მოხელეთა მიერ სამსახურეობრივი უფლებამოსილების შესაძლო გადამეტების ფაქტზე, სისხლის სამართლის კოდექსის 333-ე მუხლის პირველი ნაწილით გათვალისწინებული დანაშაულის ნიშნებით.

ვანო მერაბიშვილი აცხადებდა, რომ ის საკნიდან მაშინდელი მთავარი პროკურორის ოთარ ფარცხალაძის დავალებით გაიყვანეს და სხვადასხვა გახმაურებულ საქმეზე ჩვენების მიცემას აიძულებდნენ.

news
ავტ.: news აგვისტო 13, 2016 17:31

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,490
ვიზიტორი
დღეში
Powered By Google Analytics