თბილისის მოქმედი საკრებულოს ბოლო სხდომას, რომელიც დღეს გაიმართება, ფრაქცია “ნაციონალური მოძრაობა” პროტესტის ნიშნად არ დაესწრება. გადაწყვეტილება პარტიის წევრებმა გოგა ონიანის დაკავების შემდეგ მიიღეს.
თბილისის მეხუთე მოწვევის საკრებულო დღეს ბოლო სხდომას მართავს. საკრებულოს თავმჯდომარის თქმით, სხდომაზე ქალაქის განვითარებისთვის საჭირო საკითხებს განიხილავენ. პარალელურად, დაგეგმილია სარევიზიო კომისიის 6 თვის ანგარიშის მოსმენა.