„მოქალაქეთა ანტი-ანექსიური პლატფორმის” წევრები დიპლომატიური კორპუსის წარმომადგენლებთან შეხვედრებს განაგრძობენ.
ამის შესახებ ინფორმაციას „მოქალაქეთა ანტი-ანექსიური პლატფორმის” პრესსამსახური ავრცელებს.
როგორც გავრცელებულ ინფორმაციაშია ნათქვამი, შეხვედრაზე მხარეებმა მოსალოდნელი ანექსიის საფრთხეებსა და ქვეყნის ევროპული კურსისა და სუვერენიტეტის მხარდაჭერის აუცილებლობაზე ისაუბრეს.
„29 სექტემბერს გაიმართა „მოქალაქეთა ანტი-ანექსიური პლატფორმის” წვერების ნოდარ ხარშილაძის, პაატა დავითაიას, თეონა აქუბარდიას, ნიკოლოზ ვაშაკიძის, გიორგი რუხაძის, გიორგი მელაშვილის და ვლადიმერ ჩაჩიბაიას შეხვედრა გერმანიის, საფრანგეთის, დიდი ბრიტანეთის ელჩებთან და საელჩოს წარმომადგენლებთან.
შეხვედრაზე ისაუბრეს „ანტი-ანექსიური პლატფორმის” გეგმებზე, მოსალოდნელი ანექსიის საფრთხეებზე, ქვეყნის ევროპული კურსის და სუვერენიტეტის მხარდაჭერის აუცილებლობაზე.
„მოქალაქეთა ანტი-ანექსიური პლატფორმის” წევრებმა მადლობა გადაუხადეს გერმანიის, საფრანგეთის და დიდი ბრიტანეთის ელჩებს და სამომავლო თანამშრომლობაზე შეთანხმდნენ“, – ნათქვამია ინფორმაციაში.
