,,მომწონს ინიციატივა, რომ ქონების გადასახადთან დაკავშირებული თანხების ნაწილი იმ ადგილებში დარჩეს, სადაც ენერგოობიექტების მშენებლობა მიმდინარეობს”

region
: region აპრილი 23, 2019 16:43

,,მომწონს ინიციატივა, რომ ქონების გადასახადთან დაკავშირებული თანხების ნაწილი იმ ადგილებში დარჩეს, სადაც ენერგოობიექტების მშენებლობა მიმდინარეობს”

დარგობრივი ეკონომიკისა და ეკონომიკური პოლიტიკის კომიტეტის თავმჯდომარე რომან კაკულია იწონებს ინიციტივას, რომ ქონების გადასახადთან დაკავშირებული თანხების ნაწილი იმ ადგილებში დარჩეს, სადაც ენერგოობიექტების მშენებლობა მიმდინარეობს.

როგორც კაკულიამ განაცხადა, ამ მიმართულებით სამომავლოდ საკანონმდებლო ცვლილებებზე ფიქრიც შეიძლება.

„ეს ინიციატივა მოვისმინე და მომწონს. შესაძლებელია და სამომავლოდ, ამ საკანონმდებლო ცვლილებაზე ვიფიქრებდი. ჩემი აზრით, ინიციატივა კარგია, რადგან ძალიან მკაფიოდ უნდა იყოს გამოკვეთილი მოსახლეობის ინტერესი, რაც მათ უშუალოდ ექნებათ, ენერგეტიკის განვითარების ზოგადსაკაცობრიო ინტერესთან ერთად“, – განაცხადა კაკულიამ.

მისი თქმით, აღნიშნული ინიციატივა შესაძლოა, გადამწყვეტი არ იყოს, მაგრამ განხილვას იმსახურებს.

„ამიტომ იდეა ცუდი არ არის. ეს ინიციატივა ერთ-ერთი გადამწყვეტი შესაძლოა, არ იყოს, მაგრამ ცუდი იდეა არ არის და განხილვას იმსახურებს. ცალსახად, ამ წუთს ვერ გეტყვით, რომ ამ იდეის 100 პროცენტით მომხრე ვარ, უბრალოდ იდეა მომწონს“, – განაცხადა რომან კაკულიამ.

პანკისის ხეობაში, სოფელ ბირკიანში განვითარებულ მოვლენებთან დაკავშირებით, ენერგეტიკის სექტორში მოქმედმა ორგანიზაციებმა ერთობლივი განცხადება მოამზადეს. განცხადებას 20-მდე ორგანიზაციის წარმომადგენელი აწერს ხელს. განცხადებაში აღნიშნულია, რომ სახელმწიფომ დაჩქარებული წესით უნდა მიიღოს გადაწყვეტილება, რომ ქონების გადასახადთან დაკავშირებული თანხების უდიდესი ნაწილი, სხვადასხვა რეგიონში, იმ ადგილობრივ მოსახლეობას, თემებსა და სოფლებს დარჩეს, სადაც ენერგოობიექტების მშენებლობა მიმდინარეობს და ეს თანხა სწორედ მათ განვითარებას მოხმარდეს.

region
: region აპრილი 23, 2019 16:43

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


2,163
ვიზიტორი
დღეში
Powered By Google Analytics