მომღერალ ვალერი მელაძის ძმამ, პროდიუსერმა კონსტანტინე მელაძემ საქართველოს მოქალაქეობა მიიღო. ინფორმაციას ამის შესახებ რუსული მედია ავრცელებს.
მათი მტკიცებით, კონსტანტინე მელაძემ საქართველოს მოქალაქეობა “ფარულად” მიიღო. ეს პროდიუსერის მეორე პასპორტია მას შემდეგ, რაც მან რუსეთი დატოვა – 2024 წელს კონსტანტინე მელაძე უკრაინის მოქალაქე გახდა.
როგორც რუსული მედია აღნიშნავს, კონსტანტინე მელაძემ რუსეთი 2022 წელს, რუსეთის მიერ უკრაინაში სრულმასშტაბიანი შეჭრის შემდეგ დატოვა.
